You are here

Мектепке дейінгі және бастауыш оқыту теориясы мен әдістемесі

 

Кафедра меңгерушісі

Сихимбаева Света Маметқызы

Биология ғылымдарының кандидаты, доцент

 

Мекен-жайы:   Қазақстан Республикасы, Шымкент қаласы, 160018, Т. Тажибаев көшесі, 2, № 8 ші ғимарат,Филология факультеті, М. Әуезов атындағы ОҚМУ, «Мектепке дейінгі және бастауыш оқыту теориясы мен әдістемесі» кафедрасы.

Тел: (7252) 36-71-93

Кафедра модераторы:  Толешова Д.К.

е-mail:   safari-555@mail.ru

►Профессор-оқытушылар құрамы

Жалпы мәлімет

«Мектепке дейінгі және бастауыш оқыту теориясы мен әдістемесі» кафедрасы тарихы 1996 жылдың тамыз айынан басталады. 1997 мен 2000 жыл аралығында кафедраны ф.ғ.к., профессор Қ. Молдабек сәтті басшылық етті. 2001 жылдың қаңтар айында кафедра екіге бөлінді: «Бастауыш мектептің жаратылыстану пәндерін оқытудың теориясы мен әдістемесі» (кафедра меңгерушісі ф.ғ.к. доцент Л.Т.Искакова) және «Филологиялық пәндерді оқытудың теориясы мен әдістемесі» (кафедра меңгерушісі ф.ғ.к., профессор Қ.Молдабек). 2003 пен 2005 жыл аралығында «Филологиялық пәндерді оқытудың теориясы мен әдістемесі» кафедрасын п.ғ.д., профессор А.Б. Абибуллаева басқарды. 2007 және 2012 жылдарда екі кафедра бөлініп және мамандықтардың ашылуынан кейін «Мектепке дейінгі оқыту және тәрбиелеу» (2005 ж.) «Мектепке дейінгі және бастауыш оқыту теориясы мен әдістемесі» кафедра меңгерушісі болып д.п.н., профессор Л.Т Искакова тағайындалды. Оның басқаруымен кафедрадағы профессор-оқытушылар құрамы жоғарғы ғылыми және білікті нәтиже көрсетіп, 80% көтерілді. 2012 жылдың қыркүйек айынан бастап б.ғ.к., доцент С.М. Сихимбаева басқаруда.

Кафедра тарихында ұзақ басқарған Искакова Лаура Турлыбекқызының рөлін ерекше атап өтуімізге болады. Білім және ғылым шеңберінде арнайы жетістіктермен Л.Т. Искакова 2006 жылы «ҚР Білім беру ісінің үздігі» және Ы.Алтынсарин атындағы медалімен марапатталды. 2007 жылы п.ғ.д., профессор Л.Т. Искакова ЖОО «Ең үздік оқытушысы» грантын жеңіп алды.

                                П.ғ.д., профессор Л.Т. Искакованың басқаруымен 12-жылдық білім беруге байланысты семинар өткізілуде (2010 ж.)

2010-2011 оқу жылының қорытындысында кафедра ЖОО-ның ең үздік кафедрасы аталып, мадақтау қағазымен марапатталды.

2011-2012 оқу жылында ҚР ЖОО арасындағы Тараз қаласында болған 3-ші студенттік олимпиадада «Мектепке дейінгі оқыту және тәрбиелеу» мамандығы, «Балауса» командасы топтық сынықта ІІ орын алды, ал «Бастауыш оқыту педагогикасы мен әдістемесі» мамандығының «Самұрық» командасы ІІІ орын иеленді.

Университет ректоры Ж.Ү. Мырхалықов Көкшетау қ. Өткен Республикалық олимпиаданың жеңімпаздары «Томирис» командасының мүшелерін құттықтауда (2013ж.)

Кафедрада б.ғ.к., доцент Рысбаева Г.А. «Болашақ» бағдарламасы бойынша конкурсқа қатысып, грант иегері болды, 01.10.2010 -01.10.2011 жыл аралығында Д. Менделеев атындағы Ресей химия-технологиялық университетінде ғылыми тағылымдамадан өтіп келді.

Кафедра Д.Менделеев атындағы РХТУ, Мәскеу қалалық педагогикалық университеті, Томск Мемлекеттік педагогикалық университеті сияқты шетелдің ЖОО мен ғылыми және достық қарым-қатынаста байланыс жасауда.

«Бағдаршам» командасының жеңімпаздарын марапаттауда (2014-2015ж.)

2014-2015 оқу жылы наурыз айының 18-19 жұлдызы аралығында өткен Түркістан қаласында Қ.А.Ясауи атындағы Халықаралық қазақ-түрік университетінде Жоғары оқу орындары студенттері арасында өткізілетін ҮІІ республикалық пәндік олимпиадада   «Бастауыш оқыту педагогикасы мен әдістемесі» мамандығының «Бағдаршам» командасы ІІІ орынды иеленді.

2015-2016 оқу жылында республикалық пәндік олимпиадада 5В010100-«Мектепке дейінгі оқыту және тәрбиелеу» мамандығы бойынша «Күншуақ» командасы 1-орын, 5В010200-«Бастауыш оқыту педагогикасы мен әдістемесі» мамандығы бойынша «Болашақ» командасы 3-орын жеңімпаздары болды.

Университет ректоры Ж.Ү. Мырхалықов және факультет деканы Б.М.Тілеубердиев «Күншуақ» командасының жеңімпаздарын құттықтауда (2015-2016ж).

«Болашақ» командасы 3-орын жеңімпаздары және жетекшісі доцент Г.О.Жетпісбаева (2015-16 ж.)

Оқытушы-профессорлар құрамы

Кафедра М.Әуезов атындағы ОҚМУ-нің филология факультетінің құрамында. 2012 оқу жылынан бастап кафедра меңгерушісі б.ғ.к., доцент Сихимбаева С.М. тағайындалды. Кафедраның толық штат саны – 19: Оның - 1 ғылым докторы, 8-ғылым кандидаты, 8-доцент, 6-аға оқытушы. Базалық білімге ие емес оқытушылар жоқ . Кафедра профессор-оқытушылар құрамының оқитын пәндері: экология, жас ерекшелік физиологиясы, математикалық  логика, математика, дүниетану негіздері, балалар әдебиеті, шешендік өнер, бастауыш мектепте қазақ (орыс) тілін оқыту тарихы, қазақ тілін оқыту теориясы мен технологиясы, шетел тілі. т.б.

2015-2016 оқу жылы нәтижесінде республикалық ұлттық аккредиттеу орталығының қортындысы бойынша 5В010100-«Мектепке дейінгі оқыту және тәрбиелеу мамандығы» 1-орын, 5В010200-«Бастауыш оқыту педагогикасы мен әдістемесі» мамандығы 2-орын иеленді.

Кафедраның ОПҚ жетістіктері: Доцент С.М.Сихимбаева 2013ж. 21-қазанда М.Әуезов атындағы ОҚМУ-нің 70 жылдық мерей тойына орай мерекелік медалімен наградталды. Жас ұрпақты оқыту және тәрбиелеу ісіндегі елеулі табыстары үшін Л.Т.Искакова 2011 жылы және 2014ж. кафедра ф.ғ.к.,доцент Б.Нарқұлова «Ы.Алтынсарин» төс белгісімен марапатталды. Б.ғ.к., доцент С.М.Сихимбаева (2014ж.) «ЖОО үздік оқытушысы» мемлекеттік грантының жеңімпазы.

«ЖОО үздік оқытушысы» мемлекеттік грантының иегері б.ғ.к, доцент С.М.Сихимбаева (2014ж.).

Кафедраның тәрбие жұмысының орындалуы

Барлық академиялық топтарда оқу жылына арналған жаңа 10 пунктен тұратын тәрбие жұмыстарының жоспарлары түзілген.

Барлық тәлімгерлер бекітілген жоспар бойынша жұмыстарын ойдағыдай атқарып отырады. Топтарға тағайындалған тәлімгерлер апта сайын тәлімгер сағаттарын өткізіп, хаттамаларын жазып отырады. Мерекелер қарсаңында қабырға газеттері шығарылып, кафедра және аудиторияны безендіруге әр топ ат салысады.

Жыл сайын «Мектепке дейінгі және бастауыш оқыту теориясы мен әдістемесі» кафедрасының ұйымдастыруымен тұңғыш президент күніне орай әр топтың белсенді студенттерінен құралған «Біз президентпен біргеміз» атты тақырыпта дөңгелек үстел өткізіледі. Дөңгелек үстелдің басты мақсаты студенттерге тұңғыш президентіміз Н.Ә.Назарбаевтың өмір жолы мен шығармашылығы, атқарған игі істері мен еңбектерін және дүние жүзіне танымал саясаткер екендігін үлгі тұту.

Сонымен қатар кафедра тәлімгерлерінің ұйымдастыруымен «Нашақорлық – ғасыр індеті», «Табиғатты аялайық», «Жаны саудың – тәні сау», «Діні қуатты елдің іргесі берік», «Жастар және дін» атты тақырыптарда ашық тәрбие сағаттары өтіледі. Тәрбие сағаттарының мақсаты студенттердің бойына салауатты өмір салтын берік қалыптастыру, жеке тұлғаның санасын дамыту, денсаулығын сақтай білуге үйрету, нашақорлықты алдын алу, зиянды нәрселерден аулақ болуға тәрбиелеу.

Жалпы кафедрадағы жоспар бойынша бекітілген іс-шаралар уақытында өтіліп тұрады. Тәлімгерлер әр апталық тәлімгер сағатында студент жастардың адамгершілік, патриоттық қасиеттерін қалыптастыру мақсатында тәрбиелік мәні зор әңгімелер жүргізіп отырады. Факультет тарапынан берілген тапсырмалар дер кезінде орындалады. Аталған тақырыптар бойынша презентация жасалады.

Кафедра оқытушыларының білімін жетілдіру жайлы мәлімет

Кафедра бойынша оқытушылар құрамының біліктілігін жетілдіру жоспары құрылған. Кафедрада ОПҚ жоспарға сәйкес біліктілік арттыру курстарын шетел және республикалық ЖОО өтіп келуде. 2013-2014 оқу жылында Медетбекова Н.Н. Португалия, Лиссабон қаласында біліктілігін арттырды.

Медетбекова Н.Н. Португалия, Лиссабон қаласында 2013ж.

2014-2015 о.ж. кафедра б.ғ.к., доцент Рысбаева Ғ.А. Польшада және б.ғ.к., доцент Сихимбаева С.М. Ташкент және Дюссельдорф қалаларында (Германия) ғылыми тағылдамадан өтіп келді.

2014-2015 оқу жылында жоспар бойынша ф.ғ.к. доцент Ибрагимова У.Б., аға оқытушы  Асылбаева Ж.У. «Өрлеу» ҰБАО біліктілікті арттыру орталығында, 2015-2016 оқу жылында аға оқытушылар Тогатай М.М., Алтаева Н.А., оқытушы Бейсенбаева Б.С. «Өрлеу» ҰБАО біліктілікті арттыру орталығында, ал оқытушы Урматова Т.К.М.Әуезов атындағы ОҚМУ білім жетілдіру курсынан өтті.

Талапкерге!!

Құрметті талапкер! Университеттің алдыңғы қатарлы мамандықтарының бірі 5В010100–«Мектепке дейінгі оқыту және тәрбиелеу» және 5В010200–«Бастауыш оқытудың педагогикасы мен әдістемесі» бойынша сапалы білім алуға кепілдік беріп, жарқын болашақты сілтейді.

5B010100 – Мектепке дейінгі оқыту және тәрбиелеу

Оқу мерзімі: 4 жыл Біліктілігі: Мектепке дейінгі оқыту және тәрбиелеу бакалавры

Бітірушілердің қызмет ету саласы: Тәрбиеші, әдіскер қызметтерін атқара алады.

Кәсіби қызметінің саласы - білім беру жүйесі болып табылады.

5B010200 – Бастауыш оқытудың педагогикасы мен әдістемесі

Оқу мерзімі: 4 жыл

Біліктілігі: Бастауыш оқытудың педагогикасы мен әдістемесі бакалавры

Бітірушілердің қызмет ету саласы: Бастауыш сынып мұғалімі, тәрбиеші, әдіскер қызметтерін атқара алады.

Кәсіби қызметінің саласы - білім беру жүйесі болып табылады.

Студенттердің педагогикалық  іс-тәжірибесі

Студенттердің теориялық білімдерін іс-жүзінде шыңдау үшін қаладағы озық, тәжірибелі мектептер мен мектепке дейінгі мекемелермен келісім шартқа тұрып, сол мектептер мен бала-бақшаларда педагогикалық іс-тәжірибелер өткізіледі.

2015-2016 оқу жылында келісім шартқа тұрған іс-тәжірибе базалары: 5В010100- «Мектепке дейінгі оқыту және тәрбиелеу» мамандығы №31 «Салтанат», №82 «Еркемай» бөбекжай балабақшасы, №20 Қазына, №45 Аққу балабақшалары; ал 5В010200- «Бастауыш оқыту педагогикасы мен әдістемесі» мамандығы Шымкент қаласындағы №80 мектеп лицейіне, №38 Н.Ондасынова атындағы мектеп -лицейі, №24 С.Ерубаева мектеп-лицейі,  А.С.Пушкин атындағы №1 мектеп –гимназиясы, Қ.Спатаев атындағы №7 мектеп-лицейі.

Кафедра оқу өндірістік кешен ретінде «Өрлеу»БАҰО және №24 С.Ерубаева мектеп-лицейімен тығыз байланыста.